Holmøyskarrennet har eg gått berre ein gong tidlegare, sjølv om ambisjonane har vore der fleire gonger. Då var eg vel 12-13 år, og turen gjekk frå Kroken i Markane og over fjellet til Nordsida. Det som var nytt i år, var at både start og mål var ved Vangen på Nordsida. Turen gjekk heller ikkje gjennom Holmøyskaret slik som før, berre opp til det. Det vil seie, konkurranseløypa som var ti kilometer lengre, gjorde det. men eg nøyde meg med turistløypa.
Turen i strålande sol var fantastisk for meg og dei 700 andre som gjekk. Blant dei var også naboen Jon, som har gått rennet kvart einaste år sidan første rennet i 1967. "Det gjekk betre enn forventa" sa han då vi kom i mål samtidig. Det gjorde det vel i grunnen for meg og, sjølv om eg var litt sliten etter dei 25 kilometrane. Eg er ikkje vant til så lange turar. Men det freista til gjentaking :)
Ingen kommentarer:
Legg inn en kommentar